home
لاہور: یوحنا آباد میں گرجا گھروں پر خودکش حملوں کے خلاف احتجاجی مظاہروں کے دوران توڑپھوڑ کرنے والے 106
افراد کو حراست میں لے لیا گیا ہے ۔
نمائندہ ٹوبہ نیوز کے مطابق پولیس نے نیشنل ڈیٹا بیس اینڈ رجسٹریشن اتھارٹی (نادرا) سے ملزمان کی شناخت کے لیے مدد مانگی تھی، جس کے بعد نادرا نے ملزمان کی مکمل تفصیلات پولیس کو فراہم کردی تھیں۔
پولیس نے نادرا ریکارڈ کی مدد سے 106 افراد کو حراست میں لے لیا ہے، جنھیں مزید تفتیش کے لیے نامعلوم مقام پر منتقل کردیا گیا ہے۔
نمائندے کے مطابق گرفتار کیے گئے تمام افراد مسیحی برادری سے تعلق رکھتے ہیں۔
یاد رہے کہ 15 مارچ کولاہورمیں مسیحی برادری کے اکثریتی علاقے یوحنا آباد میں قائم دو چرچز رومن کیتھولک چرچ اور کرائسٹ چرچ میں 2 خودکش دھماکوں میں کم از کم 17 افراد ہلاک اور 70 سے زائد زخمی ہوگئے تھے۔
جس کے بعد مسیحی برادری کے افراد نے مشتعل ہو کر دو افراد کو مشتبہ جان کر زندہ جلا دیا تھا۔
واضح رہے کہ یوحنا آباد حملے، دو افراد کو زندہ جلانے اور بعد ازاں لاہور میں توڑ پھوڑ کرنے کے حوالے سے 7 مختلف مقدمات درج کیے جاچکے ہیں۔
Home
