home
یونین کونسل سے لے کر اضلاع تک فنانس کمیشن بننا چاہیے، سابق گورنر ورہنماتحریک انصاف سابق گورنر پنجاب اور پی ٹی آئی کے مرکزی رہنما چوہدری محمد سرور نے کہا ہے کہ سپریم کورٹ کی طرف سے شیڈول دئیے جانے کے باوجود پنجاب حکومت اب بھی پوری کوشش کرے گی کہ بلدیاتی انتخابات نہ کرائے جائیں لیکن اسکے لئے عدالت عظمیٰ کے فیصلے کی خلاف ورزی کرنا مشکل ہوگا ،لاہور( این این آئی) پنجاب میں بلدیاتی اداروں کا جو قانون منظور کیا گیا ہے اس میں اختیارات نچلی سطح تک منتقل کرنے کی بجائے حکومت نے اپنے ہاتھ میں رکھے ہیں ، اربوں کے فنڈز جاری کرنے کا اختیار حکومت کے پاس نہیں ہونا چاہیے اسکے لئے یونین کونسل سے لے کر اضلاع کی سطح تک فنانس کمیشن بننا چاہیے ، حکومت کے پاس جوڈیشل کمیشن کے قیام کے سوا کوئی آپشن نہیں اگر الیکشن ٹربیونل کے این اے 122کے فیصلے سے قبل جوڈیشل کمیشن بن جائے تو یہ سب کے مفاد میں ہے بصورت دیگر پی ٹی آئی سنجیدگی سے تحریک چلائے گی ۔ ایک انٹر ویو میں سابق گورنر پنجاب نے کہا کہ پاکستان میں جنگل کا قانون ہے اور ہر جگہ جسکی لاٹھی اسکی بھینس والا معاملہ ہے اگر ملک میں قانون کی پاسداری اور اداروں کو سیاسی مداخلت سے پاک نہ کیا گیا تو انتہائی بھیانک نتائج نکلیں گے ۔
Home
