ریحام خان کی قابل اعتراض تصاویر کی تشہیر نہ کی جائے : نواز شریف

 اسلام آبا د : وزیراعظم نوازشریف نے عمران خان کی اہلیہ ریحام خان کی قابل اعتراض تصاویر سوشل میڈیا پر ڈالنے سے پارٹی کو منع کیا ہے ۔ انہوں نے سختی سے سوشل میڈیا ٹیم کو ہدایت کی ہے کہ ایسی تصاویر جوکسی کیلئے شرمندگی کا باعث ہوں ان کی تشہیر نہ کی جائے۔ذرائع کو معلوم ہوا ہے کہ گزشتہ دنوں وزیراعظم ہاﺅس میڈیا اسٹریٹجی پر جاری، اجلاس میں مسلم لیگی رہنماﺅں نےریحام خان کی کچھ ایسی قابل اعتراض تصاویر دکھائیں اور تجویز پیش کی کہ ریحام خان کی یہ تصاویر سوشل میڈیا پر ڈال دی جائیں،ذرائع بتاتے ہیں کہ وزیراعظم نوازشریف نے مذکورہ تصاویر دیکھنے سے بھی انکار کیا بلکہ اس تجویز پر شدید برہمی کا اظہار کرتے ہوئے کہا کہ سیاست کو ذاتیات تک نہ لے جایا جائے۔مریم نواز نے بھی اس تجویز کی حوصلہ شکنی کی اور اپنی میڈیا ٹیم کو ہدایت کی کہ ریحام خان کی ذاتی زندگی، مصروفیات کو قطعاً زیربحث نہ لایا جائے۔