’’جوئے اور منشیات کی اطلاع پر متعلقہ ایس ایچ او کے خلاف کاروائی کی جائے گی‘‘

ضلع کے جس علاقہ سے جوئے اور منشیات کے دھندہ کی اطلاع ملی اس تھانہ کے ایس ایچ او کے خلاف سخت ایکشن لیا جائے گا۔ ان خیالات کا اظہار ڈسٹرکٹ پولیس آفیسر رانا شہزاد اکبر نے ضلع بھر کے ڈی ایس پیز اور ایس ایچ اوز کے اجلاس کی صدارت کرتے ہوئے کیا۔ ڈی پی او نے کہا کہ تھانوں میں آنے والے شہریوں کے ساتھ خندہ پیشانی سے پیش آتے ہوئے ہر طرح سے داد رسی کی جائے۔ رانا شہزاد نے ماتحت پولیس افسران کو ہدایت کی کہ سحری، افطاری اور نماز تراویح کے اوقات میں الرٹ رہتے ہوئے ڈیوٹی سر انجام دیں۔ انہوں نے ڈی ایس پیز اور ایس ایچ اوز کو ہدایت کی ہے کہ رشوت لینے سے اجتناب کریں اگر کوئی شکایت آئی تو سخت کاروائی کی جائے گی۔ ڈی پی او نے کہا کہ لوگوں کو بلاوجہ تھانوں کے چکر نہ لگوائے جائیں اور مقدمات کی تفتیش جلد از جلد مکمل کی جائے۔